✅Орамизда шундай инсонлар ҳам борки, уларни чин маънода халқ фидоийлари деб атасак арзийди. Улар ўз ҳаёти ва бор салоҳиятини инсонлар саломатлигини тиклашга, жамиятда соғлом турмуш тарзини мустаҳкам қарор топтиришга сафарбар этадилар. Шундай инсонлардан бири Халқ депутатлари Мирзо Улуғбек туман Кенгаши депутати, Академик Н.М. Маджидов номли неврологоия ва нейрореабилитация маркази “Нейромед сервис” клиникаси рахбари Ёқутхон Маджидовадир.

✅Бу инсонни янги тиббиёт техникаларини юртимизга олиб кирилиши, мамлакатимизда тиббий асбоб ускуналарини ривожлантириш йўлида салмоқли ишларни амалга ошириб кўмак бериб келаётган тиббиёт фидоийси деб биламан. Узбекистон «Medical Holding Sintez»  тиббий ва реабилитот асбоблари ишлаб чиқариш корхонасининг мамлакатимизда очилишида хам бевосита Ёқутхон Набиевнанинг муносиб ўринлари бор. Шу ўринда депутатлик фаолиятини ҳам муваффақиятли олиб бораётган ташаббускор депутатлардан ҳисобланадилар. Ҳозирги пандемик шароитда Ёқутхон Маджидова сингари малакали шифокорларимизга жамиятимизда ҳар қачонгидан ҳам талаб катта.

✅Куни кеча Ёқутхон Маджидова Ўзбекистон Тиббий асбоб ускуналари ишлаб чиқарувчилар ва етказиб берувчилар уюшмаси томонидан таъсис этилган “ЎЗБЕКИСТОН РЕСПУБЛИКАСИДА ТИББИЁТ ТЕХНИКА СОҲАСИДАГИ КЎП ЙИЛЛИК ХИЗМАТИ ВА СОҲА РИВОЖИГА ҚЎШГАН ҲИССАСИ УЧУН” эсдалик нишони билан тақдирладик.

✅Юртимизда Ёқутхон Маджидова сингари халқ фидоийлари кўп бўлишини, Ватанимиз доимо тинч, юртдошларимиз ҳамиша саломат бўлишларини тилайман!

Отабек Жиянбаев,
Ўзбекистонда Тиббий асбоб - ускуналар ишлаб
чиқарувчилар  ва етказиб берувчилар уюшмаси раиси